முதலாவது நீ

உட்புகுந்து
புலன் நிறைத்து
தலைக்கேறி தடுமாற்றி
கூட்டத்தில் தனிமையுணர்ந்து
புரியாமல் புன்னகைத்து
உடனிருப்போர் உற்றுநோக்க
பித்தனாக்கி பிதற்ற வைப்பதில்…
இரண்டாவது மது

கன்னங்கள் உரசி
காதுமடல் ஏறி
கூந்தல் நுகர்ந்து
நெற்றி முட்டி
கண்கள் பேசி
செவ்விதழ் சீண்டி
இந்நேரம் நீளாதா என ஏங்க வைப்பதில்…
இரண்டாவது குழந்தை

குறு குறு பார்வை பார்த்து
பார்வையே புன்னகையாய் மாறி
கிண்டலாய் தொடங்கி
சீண்டலாய் தொடர்ந்து
உரையாடல் தொடர்கதையாகி
பிரிவில் ஏங்கி
மனத்தில் தேங்கியத்தில்
இரண்டாவது என யாருமில்லை…